HD-500 систем нь зөвхөн дүрслэл төдийгүй ажлын урсгалыг оновчтой болгох шийдлүүдийг санал болгодог. 500GB багтаамжтай дотоод хатуу диск нь зураг болон бичлэгийг нэг алхмаар хадгалах боломж олгож, өвчтөний өгөгдлийн менежмент болон тайлан боловсруулах үйл явцыг гадны нэмэлт программ хангамжгүйгээр шууд гүйцэтгэх нөхцлийг бүрдүүлдэг. Энэ нь өдөр тутмын ажилд илүү уян хатан, хурдан шийдэл болж, эмч, эмнэлгийн байгууллагын бүтээмжийг мэдэгдэхүйц нэмэгдүүлнэ.

Өвчтөний тав тухыг нэн тэргүүнд тавьсан эргономик дизайнтай эндоскопууд нь угаах сувгийн шийдэлтэй тул үзлэгийг илүү зөөлөн, ая тухтай болгохоос гадна эмчийн хувьд барьж ашиглахад хялбар, нарийн удирдлага хийх боломжийг олгодог.

Ингэснээр Sonoscape HD-500 Video Endoscopy System нь найдвартай ажиллагаа, өндөр нарийвчлалтай дүрслэл, үр ашигтай ажлын урсгалаараа онцлог, эмч нарын оношилгоо болон эмчилгээний практикт хамгийн тохиромжтой, дэвшилтэт шийдэл болж байна.

Гол онцлогууд

Хэрэгцээнд тань тохируулсан, өртгийн хувьд хэмнэлттэй, удаан хугацаанд ашиглах боломжтой шийдэл
Хүчирхэг HD-500 видео процессор-оор дамжуулан хамгийн өндөр дүрсний чанарыг олгоно
Өндөр үр ашигтай LED гэрэлтүүлэг нь бодит өнгийг үнэн зөвөөр сэргээнэ
10,000 цагаас дээш ашиглалтын хугацаатай 2 ширхэг LED гэрэлтэй
Зургийг энгийн цагаан гэрэл эсвэл VIST технологи ашиглан авах боломжтой
VIST технологи нь тод, ялгаралттай контраст үүсгэж, судас болон салст бүрхүүлийг илүү тод харуулна
VIST нь эмгэг өөрчлөлтийг илрүүлэх, ангилахад тусална
500 цувралын эндоскоп нь дэвшилтэт CMOS дүрс мэдрэгчтэй
CMOS мэдрэгч нь өнгө, ирмэг, бүтэц зэргийг олон шатлалтайгаар нарийвчлан тохируулдаг
Энгийн үзлэг болон нарийн төвөгтэй мэс заслын үед ашиглахад тохиромжтой
500GB багтаамжтай санах ой нь ажлын урсгалыг оновчтой болгоно
Дүрс болон бичлэгийг нэг алхмаар хадгалах, архивлах боломжтой
Өвчтөний өгөгдлийн менежментэд нэвтрэх, тайлан боловсруулах, засварлах үйлдлийг гадны програм хангамжгүйгээр гүйцэтгэнэ

Эргономик хийцтэй, угаах сувгийн шийдэл бүхий эндоскоп нь үзлэгийг зөөлөн, тав тухтай болгоно.

VIST – Дүрс сайжруулалтын технологи

VIST нь оптик болон дижитал дүрс боловсруулалтыг хослуулсан хромоэндоскопийн технологи юм. Зөвхөн нэг товч дарахад л гэдэсний замын салст болон судасны бүтцийг илүү тодруулан харуулах цэвэр, өндөр ялгаралттай дүрсийг үзүүлдэг. Ингэснээр эмгэг өөрчлөлтүүдийг (lesions) илрүүлэх, онцлогийг тодорхойлох үйл явц хялбар болдог.

CHb Enhancement

Судас болон салст бүрхэвчийн гэрлийн ойлт, шингээлтийн спектрийн ялгаанд тулгуурласан алгоритм нь гемоглобины агууламжийг өнгөөр дүрслэн харуулдаг. Ингэснээр бичил судасны гемоглобиныг (CHb) тодруулан харах боломжтой болно. Гемоглобины дүрслэл сайжирснаар эмгэг өөрчлөлтийг илүү нарийвчлалтай оношлох боломжтой бөгөөд ялангуяа үрэвсэлт үйл явцыг илрүүлэхэд хялбар болгодог.

- Улаан болон шар өнгөөр будагдсан хэсгүүд нь судасны баялаг бүхий бүтэцтэйг илтгэнэ. Энэ нь халдвар, цус алдалттай гастрит эсвэл хавдар байж болзошгүйг илрүүлдэг.
- Хөх өнгөөр будагдсан хэсгүүд нь судас багатайг илэрхийлнэ. Энэ нь эдийн хатингаршил, эсвэл хатингаршлын гастриттай холбоотой байж болно.

Edge Enhancement

Edge Enhancement буюу ирмэг тодруулах технологи нь дүрсний чанарыг сайжруулахын тулд ирмэг болон контурыг нэмэгдүүлэн харуулдаг. Ингэснээр дүрс дэх нарийн бүтэц, жижиг өөрчлөлтүүдийг илүү тод, хурц харагдуулж, эмгэгийг илрүүлэхэд дөхөм болгодог. Мөн дүрсний гүнийг илүү сайн мэдрэхэд тус дэм болдог.

Нэмж дурдахад, энэхүү дүрс сайжруулах функц нь контрастын ялгаралтыг нэмэгдүүлж, цайвар ба бараан гадаргуун ялгааг тодруулдаг.

Structure Enhancement

Structure Enhancement буюу бүтэц тодруулах технологи нь эдийн бүтэц, өнгөцгийн ялгааг зорилтот байдлаар өсгөж дүрсний чанарыг сайжруулдаг. Ингэснээр илүү нарийн дэлгэрэнгүй мэдээлэл болон эмгэг өөрчлөлтүүдийг тодорхойлох боломж нэмэгддэг. Энэ технологи нь эдийн төрөл, бүтэц дэх ялгааг тод харуулж, өндөр контрасттай, илүү хурц дүрс гарган авч өгснөөр эмч нарт илүү үнэн зөв онош тавихад дэмжлэг болдог.

Мөн өөр өөр төрлийн эд болон шинжилгээний хэсгүүдэд тохиромжтойгоор дүрсийг нарийн тохируулах боломж олгодог. Ерөнхийдөө, энэхүү технологи нь эндоскопийн дүрсний харагдах байдлыг болон оношилгооны нарийвчлалыг эрс сайжруулснаар өвчтөнд үзүүлэх эмчилгээ, тусламжийг илүү оновчтой болгодог.